قصيدة رثائية متواضعة إهداء لروح الشيخ الحاج أحمد سهوم رحمه الله برحمته الواسعة وأسكنه فسيح جنانه.

#الحربة)

لا إلــــــــــــــــه إلا الله
بَـــــــاشْ نْــلْـــقَـــــى مْـكـــتــــوب الله
ســـهُـــــوم الْــــحــــقّْ بْـــــغَـــــــــاه
شَـــــامْـــــخ الْـــــجـــــاهِــــــــي
مْــنْ فْــراقـــو لْــقْـــلُــــوب تْــــذُوب لَاهْــــب لْـــضَـــاهـــــــا

.

(#القسم_الاول)

لا إلــــــــــــــــه إلا الله
خَــــيْـــر بْـــاســـمـــو طَـــرزي نْــبْــــداه
وْ نْـــحـــمْـــــدو عـن مْعــطــــاه
دافْــــقْ وْ بــــاهـــــي
وْ الــصـــلاه وْ الـســلام عــلَــى حــبــيــنـــا طــــه

لا إلــــــــــــــــه إلا الله
حــيّْ دايـــم نْـــعــــم الإلــــه
مَــــا دايْـم غِـــيــر عـــلاه
آمْـــــر وْ نَـــــاهــــي
ربّْ مَـــــا فَــــات وْ آتِـي فْــالْـبْـطــاح وْ سـمَـاهـــا

لا إلــــــــــــــــه إلا الله
لَا هْــروب مْــنْ احــكـــام الله
لْـكُـــلّْ كْـــتَــاب وْفَـــاه
حـــقّْ يْــنْـــتَــاهــي
حـيــن تُــوفــى الآجــال الـلَّا تْـفُـوت مْـنْـهـاهـــا

لا إلــــــــــــــــه إلا الله
بَـــــــاشْ نْــلْـــقَـــــى مْـكـــتــــوب الله
ســـهُـــــوم الْــــحــــقّْ بْـــــغَـــــــــاه
شَـــــامْـــــخ الْـــــجـــــاهِــــــــي
مْــنْ فْــراقـــو لْــقْـــلُــــوب تْــــذُوب لَاهْــــب لْـــضَـــاهـــــــا
.

(#القسم_الثاني)

مْــنْ درك عـــلُــوه
بْـــالـــدّْرايــة جـــــاب وْتُـــــوه
مَــا خْـلْــفُــو خُــوه
فْـــالـــنّْـجَـــابــة يْــشْــبْــه لــيـه

فَــارد فْ سْــمُــوه
وْالــسّْـــمُـــو سـامـي بْـسْـمُــوه
عـن مْــنْ ســبــقـوه
لَاح وْ ادلَــــــــــى بْـــدوَالــيـــه
فَـــسّْــر الْـــوْجــوه
لَلْـــفْــقَــاهَــــا بْـــالـتّــفْــقِــيـــه

كـــــــان ســـهـــــوم عـــلَــى وْلْـــهَـــــــة
وْ رادّْ الْــــوْلْـــهـــة لَلْـــوْلْــــهَــى
الـــنَّــابْــــغ الـــنَّـــــابــــه

كــــــــان شـــيـــخ الـــلَّا لُـــو مْـــلْـــهــــى
فَــحـــوض لْــقْــــرِيــــض روى وْ لْـهَــــى
جْــلِـــيـــس لْــمْــــوَالْـــــه

كـــــان شــيــــخ عـــديـــم الــشُّــــبْـــهـــى
مْـــــلَازْمْ وْقَـــــــــارو حـــــارصـــــــهـــــا
مْـــــفَــــــارق بْــــــــــلَاوْه

كــــان ســهـــوم ســخِـــي فْ عــطــــــــاه
لِـيــس يْـحـصـــى بْــــالْــكَــــمّْ عــــطــــــاه
زَاهْــــــد بْــــغْــــنَـــى مُــــــولاه
قَـــانْـــــع وْ زَاهــــي
زُهْــــد وْ زْهُــــو لْــطـــهـــار الْــقَــــانْـعـــة بْــمْــعــطَــــاهَـــا

لا إلــــــــــــــــه إلا الله
بَـــــــاشْ نْــلْـــقَـــــى مْـكـــتـــــوب الله
ســــهُـــــوم الْــــحـــــقّْ بْـــــغَـــــــــاه
شَـــــامْـــــخ الْـــــجـــــاهِــــــــي
مْــنْ فْــراقـــو لْــقْـــلُــــوب تْــــذُوب لَاهْــــب لْـــضَـــاهـــــــا

.

(#القسم_الثالث)

لْــــفْـــــراق دهُـــــو
وْ لَا يْـــلُــــو فْــالْـكـــــيــف دهُــــو
حــامِـــي مَـــا هُــو
مْــــنْ الْـــمْــحــايْــن لِـيـه شْــبـِيـه

نَـاجــي مْـــنْ هُـــو
الـــلَّا سْــــــبَــــق لُــو ذَاقْ دهُــــو
وْ اضْــحى وْجْـــهُــو
شْـــحِــيــبْ سـاعـةْ نْـكْــوَى بِــيـه
انْـــظْــر هَــا هُـــــو
مْـــصـــاب لْــفْــراق روى لِـــيـــه

جــــات لْــخْــبــار عــلَـى مْــسـهَـى
وْ صــاح قَـــلْــبِــي مَــا صـدّْقْــهــا
خْـــفِـــيـــقْ يـــتـلاوه

كَـــا يْــــزڭْـــلْـــمْ بُــرهــــة بُــرهَــــة
وْ كَــــا يْــقُـــول للّْـعــقَـــيْـــل سـهَــى
ســــهَــــــى بْـــقَــى تَــايْـــه

ضَـــاع شِـــيـــخْ الْــقَــوْم الــنُّــبْــهَــا
وْ فَــــارق الــدّْنْـــيَــــا وَدّْعــــــهـــــا
حــــــرامْ نْـــنْــــسَـــــــاوْه

قُــــلْــــــتْ جــــهْــــــــــرَا إِنَّــــــا لله
وْالــــرّْجُــــوع للّْـــعــظِــيــم الْــجَــاه
لْــفْـــــراقْ الـــصَّـــبْــر دواه
حــــيــــن لْــــدوَاهِـــي
وْالــــصّْــــبَـــر لَلـــنّْـــفْـــس مْــعَ الـــرُّوح ضَــامْــنْ دواهــــا

لا إلــــــــــــــــه إلا الله
بَـــــــاشْ نْــلْـــقَـــــى مْـكـــتــــوب الله
ســـهُـــــوم الْــــحــــقّْ بْ

غَـــــــــاه
شَـــــامْـــــخ الْـــــجـــــاهِــــــــي
مْــنْ فْــراقـــو لْــقْـــلُــــوب تْــــذُوب لَاهْــــب لْـــضَـــاهــــــا

.

(#القسم_الرابع)

آواه آواه
كِــــيــفْ يْـــصـــبْـــر مْـــــنْ ربَّــاه
وْ انْــحـــازْ مْـــعــــاه
طُــــول صـــيْـــفُـــو وْ لْــيَــالِـــيــه

مْــــنْ كَـــانْ ابَّـــاه
كَـــــانْ يْـــنْــــده لُــــــو بَــابَــــــاه
راح وْ خَـــــــــــلَّاه
كْـــنْ فْـــحَــــلْ مْـنْ نْـقْــطَـع لِـيـــه
راســـو فْــسْــمَــاه
صـــاب عَــنْ أَرضُــــو رجــلِــيـــه

ذْا الْــوْصَــافْ نْــصَـــفِّــي مْـــنْــهَــا
مْــرار لْــفْــــراق بْــــــلَا مْــنْــــهَـــى
يْــتَــيّــه الــنَّــابْـــه

كِــيــفْ تْــهْـــتْ أَنَـــايَــا فْ وْهَـــى
فْــراقْ بُــويَــا وْ ضْــحــيــتْ وْهَـــا
مْــفَـــرّْد وْ نَــــــاده

يَــا لْــهَـــا مْـــنْ فُـــرڭَــة كَـنْـهَــا
وْ لَا لْــهَــا بَــاشْ نْــشَــبّْـهــــهـــا
مْــثِــيــلْ مْــتْــشَـابْــه

مَـــا يْــدْركْ لْــقَــوْلِـــي مْـــرمَـــاه
غِــيــر مْـنْ مَــوْتْ الـشِّـيـخْ كْـوَاه
زَاد لْــكِــيُّــو تْـــــــأْوَاه
كِــيــفْ تْـــأْوَاهِــــي
بِـــيــنْ آه وْ آه تْــبْــلْــغْ الارّْوَاح مْــلْـــــقَــــاهَـــــا

حَــــالْــتْ الْــمْــفْــروقْ آ مْـڭْــوَاه
مْــنْ نْـضَــرمْــتْ نَـارو فْ حـشَـاه
يْـرجَـى يْــمْــسَــى مْـحــمَــاه
هَــيّْـــنْ وْ وَاهِـــــي
كِــيـــفْ تْـــضَــرّْع جَــمْــعْ الْـــقَـــوْمْ سَــاعــةْ بْــلَاهـــا

لا إلــــــــــــــــه إلا الله
قُــــولْــهــا يَـــا مْــن حَــبّْ الله
وْ نْـــبــِيــه اللِّــي صـطـــفَـــاه
شَــــارقْ الْــجَــاهِـــي
سِــيــدنــا مـحــمــد نُـــور الْـــعــــبَـــاد وْ نْـــجَــــاهــــا

لا إلــــــــــــــــه إلا الله
غَـاب ســهــوم وْ غَــاب مْــعـاه
قَــوْل فْــصَــدرو مْــحــلاه
آمْــــر وْ نَــــاهِـــــي
بْــشَـــايْـــنْ أْمَـــر ربِّـــي الْــوْرى وْ شَــايْــنْ نْــهَــاهــــا

لا إلــــــــــــــــه إلا الله
راح ســـهـــوم وْ راح مْـــعـــاه
طَـــرز نْــظَـامُــو وْ لْـغَــاه
دَڭّْ لْــنْــبَــاهِـــــي
دُونْ مَــا تَـــركْ مْـنْ ذْخِــيــرة عـمِـــيــقْ مْــغْـــزَاهــــا

لا إلــــــــــــــــه إلا الله
ســـار ســـهــوم وْ ســـار مْــعــاه
مَــا غْــنْــمُــو فِــي دنْــيَـاه
درّْ مْــــتْـــداهـــي
مَـــا رجـــى عـــطــف الــنــاس وْ لا احــتــاج لْــثْــنـاهــا

لا إلــــــــــــــــه إلا الله
كِــيّــةْ الْـمــلــحــون آ مْــضْــنَــــاه
نْــخْــطَـفْ ضَـيّْ مْـنْ سـنــاه
كَــانْ مْـتْــبَـاهـــي
ضَــيّْ ســهــوم كْــمَــا-الْـڭَـمْــرة تْــلُــوح فْــدجـــاهــــا

لا إلــــــــــــــــه إلا الله
راح الــبــديــع انــحــد مـــداه
بَــعــدمَّــا كَـــانْ لْــغَــاه
بَــالْــغْ يْــضَــاهـي
كُــلّْ مَــا فْــالْـعــلْــمْ مْــنْ عــلُـــومْ فَــاضْ فَــحــوَاهـــا

لا إلــــــــــــــــه إلا الله
ضَــاعــتْ الإِذَاعــــــة فْ روَاه
قَـــوْلْ بْــشَــــرحــو فْ شْـــدَاه
فَـــيّْــق الــسَّـــاهِــي
صــوت صــافــي وْ اقْــوَال اســطَــابْــهــا مْــنْ صــغَــاهــا

لا إلــــــــــــــــه إلا الله
مــحــــمــــد رســــــــول الله
هِــيَّ الْـخَـتْــمْ وْ مْـبْـداه
يَــا اللِّـــي لَاهِـــي
كِــيــفْ جــاب الْـمْــرحــوم فْ هَــاه يَــا مْـنْ قْــراهــا

جَــاتْ هَــاتِــي بْــرثَــاه فْ هَـــاه
دُون لْــعــراضْ وْ لَا نْــســعـــــــاه
إِلَّا عــشْــقِــي لَلْــغَــاه
طَــرز لْــنْــبَــاهِــي
قَــــوْلْ لْـفْـحـولْ الـلَّا يْــدري غْــشِـــيــمْ مـرمـــاهــا

يـــاك قْــلَّــة مْــنْ جَــا لْــنْـعـــاه
يــاك خْــرصــو جـمـلـة لـفــواه
وَ لَا إِعــــلام تْـــراه
حــاط لْــجْــوَاهــي
كِــيــفْ غَــطَّــاوْ نْـعِــيّْ اهْـلْ الاْمْــوالْ فْ نْــعــاهـــا

يَــا مْــن اصـغَـى ذْا الـنَّـعـيْ وْ راه
جَـالْ وْ سْـعَـى فْـتْــخُـــومْ فْـــضَــاه
خُــود الـسّْــرّْ وْ مْـفْــشَــاه
فَــارقْ الــلَّاهِـــي
مْــنْ عـمْــلْ خَـيْــر اعــمَــالْ الـصَّـالْـحـاتْ يْــلْــقَـاهــا

يَــاكْ سـهــوم اخْـلْـص فْ عـطَــاه
يَــاكْ سـهـــوم سْـعَــى مْــسْــعَــــاه
فْــالـدّْنْـيَــا كَـانْ ســعــاه
دُون تْــرفَـــاهــي
شَــانْ لْــفْــنُـــونْ الْـقَــوْلْ يْـعــزّْهَــا وْ يْــرعــاهـــا

بَـعــد ســهـــومْ بْــــلْــغْ مـرمـــاه
جَــاه حَــقّْ الــسَّــامْ وْ اصـطـفَـاه
خَــطـفُــو بَـغْـثَــة وْ دَّاه
يَــا الْــمْــتْــلَاهِــي
صِــيــغْ لَــوْح اقْــوَالِـي وْ لْـغِـي الـتِّـيـه وْ انْـتَـاهَــى

مَـاتْ سـهــوم لْــــقَــى مـثْــــوَاه
حــازْ شْــبْــرو نْـغْـبَـاتْ عـضـاه
لَــكِــنّْ خْــلْــدْ مْــحـيــاه
لِــيــس يْـنْـتَــاهِــي
مَــا حـيَــاتْ اهْــلْ الـصّْــدْقْ الْـخَـالْـصـة فْــنَـجْـوَاهــا

يَــــــا الله ارحَــمْ عَــبْـــدك راه
كَــا يْــراجِـي فْ حـمَـاكْ رجَـاه
احـــمــد سـهُــوم ثْـــراه
طَــيّْــبْ وْ بَــاهِـــي
لُــــو تْــرحــمُــو يَــا راحــمْ مَــا فْــالَارضْ وْ ســمَـاهــا

يَــا الله اغْــفْــر لِــيـــه خْـــطـــاه
كُــلّْ مْــنْ فَـرضْ خْـطَـا وْ خْـطـاه
وْ فْ مَـا مْـنْ أَمْــر عــصـاه
يَــــا الْإِلَــهِـــي
يَــا الْـبَــاصــر ضُـعــفْ نْـفُــوس الْـعــبَــاد وْ غْــوَاهـــا

يَـــا لله اقْــبْــلْ حُــسْـــنْ دعــــاه
مَــا دعــا حــيـــن خْــتَــامْ حـيــاه
يْــضْــحــى قَــبـرو بْـضْــيَـاه
نَــايْـــر وْ زَاهِـــي
كْــنْ روْضْ مْــنْ ريَـــاضْ جْـــنَـــانْ خَــالْــدْ ضْـيَــاهــا

يَـــا الله اجْـــزِي مْــنْ عَـــــزَّاه
كُــلّْ مْــنْ لِـيـــكْ وْ فِـيـكْ بْـغَــاه
حُــبّْ الـصُّــحـبَــة لله
مَـــا يْـلُــو ضَــاهِــي
حُـبّْ راقِــي بــاقِــي طْــبّْ الـنّْــفُــوس وْ فْــجَــاهـــا

وَ آسْــمِــي يَــا مْــنْ شَـا يْـروَاه
قُــولْ هَــا الْـكْـزُولـي مْــبْـــــداه
مــحـمــد هُــو مْـنْـهَــاه
سِــيــرتُــو هَــا هِــي
قَــابْــط وْقَــــارو مَــا يْـــدنَـى لْـــڭَــوْر لْـمْـــتَــاهـــا

طَـــايْــع كْــبَــارو مْـنْ مْـبْــدَاه
حــايــزْ للّْــعــدو مَــا يْــكـفَــــاه
مْــلَّالِــي فُـوقْ غْـشَــاه
فَــارس يْـبَــاهــي
بْــالْـحــيــا وْ الـتّْــسـلـِيــــمْ عـلَـى-الْـمْـشَـايْـخْ روَاهــا

خُـود قَـوْلْ سْـلـِيـسْ فْ مْـبْـنَـاه
يَـا الْحـافْـظْ حَـفْــــظُــو وْ روَاه
خَــالْـص فْـسْـبِـيــلْ الله
دون تُــوجَــاهِــي
حُــرّْ طَــاهْــر مْــنْ قَـلْــبْ سْـجِــيّْـتِـــي وْ مْـسْـقَـاهـــا

كَــــانْــزَاوْڭْ فْــ عــظِـيــمْ الْـجــاه
بْــالــرّْضَـى وْ الـنّـصـرة وْ الْـجَـاه
وَ لَا نْــرجَـى سِـــــوَاه
كَـامْــلْ الْــجَــاهِــي
وْالــسّْـــلَامْ بْــلْــطْــيَــابْ مْـــعَ لْــزْهَــار وْ زْكَــاهــــا

سْــلَامْ لَا يْــحــصــر حَـدّْ حـصـاه
خَـالْــص لْـكُــلّْ رجَـــــــــــالْ الله
بْــلْــغْ الْـقَــوْلْ لْـمْـنْـهَــاه
خَــيْــر لَلــــنَّــاهِــي
بْـالــصّْــلَاةْ عـــلَـى نُــور الــنُّــور بَـــاشْ يْـنْـتَـاهـــا.

لا إلــــــــــــــــه إلا الله
بَـــــــاشْ نْــلْـــقَـــــى مْـكـــتــــوب الله
ســـهُـــــوم الْــــحــــقّْ بْـــــغَـــــــــاه
شَـــــامْـــــخ الْـــــجـــــاهِــــــــي
مْــنْ فْــراقـــو لْــقْـــلُــــوب تْــــذُوب لَاهْــــب لْـــضَـــاهـــــــا

تمت بعون الله
.

We Love Cricket